طيب بقالي كده اكثر من سنتين ما كتبتش كلمه. و البلوج كان نوع من انواع التجربه مش اكتر يعني لزوم الفضفضه. بس بما ان الواحد حاليا عاطل و طالما الكل بيشارك براي او فكره او حتي تجربه في الايام السوده و ساعات بيضه اللي احنا عايشينها قولت لنفسي طب ما ترجعي تكتبي و يعني تشاركي. و المره دي بالعربي كمان.
من غير ما اطول و لان الكل بيهاجم الكل الايام دي قولت اشمعني ما اهاجم انا كمان يعني هي جات عليه. بس اهاجم مين و ليه هو انا بفهم في السياسه من اساسه علشان اهاجم و لا حتي عمري انضميت لجهه و لا حزب و لا اي نشاط. ده حتي نهضه المحروسه كنت شايفاها معليش يعني مشروع فاكس و شويت ناس زيهم زي بتوع الروتاري كده و انا مالي
الواحد لازم لما يكون راي يكون عنده اساس للراي ده خاصا اذا كان ناوي يقلبها غم و يدخل معارك، من الاخر كده لازم تبقي قد اللي انت ح تقوله الاول و الا تبقي لا مؤخذه يعني.
طب انا واحده باعت القضيه و من زمان و ح موت كده و اطفش من البلد و ناسها، ما انا برضه اللي شفته مكنش شويه، فكك من الفساد و الليله دي ما كلنا في الهوا سوي و سيبك من اتظلمت و تعليم زباله و مش عارف اعرض قدراتي و لا انمي نفسي علشان يلعن ابو الوسطه و المحسوبيه و خلافه. بالنسبه لي كل ده عادي و كتير مننا سوء كان مستريح شويه و لا اهله طافح الكوته عاشه و عدي عليه.
بس الجديد اللي عندي و اللي مش كتير من الناس عاشوه هو حكايتي مع الاخوه المتشددين حبيتين و ساعات تلاته، اللي الله يسترهم احتضنوني و ضموني في وقت كنت فيه ضاربه اخر حاجه
و اللي كتير قوي قوي من اصحابي و غيرهم مره مخضوضين و مره مطنشيين و الكتير بقي ان كتير قال ايه مستغربين منهم يا حرام
بس انا برضه ح اعذرهم و ما هو اللي ميعرفش يقول ايه ؟؟
هه نبتدي منين الحكايه
.....
No comments:
Post a Comment