Extracts from the funniest black comedy blog ever

I really enjoyed reading her posts, Ghada abd el 3al book now is among the best seller...she the funniest ever Egyptian girl who managed to present our problems in the most sarcastic funny manner ever.
Ghada tackles the usual common female problems of our time rather than sexual harassment and women suppression. She when discussing marriage, divorce, singlehood is just helping in finding us a path through which we will connect and not feel so bad about ourselves.
Ghada managed by going with the saying "haam ybaki wee haamm yda7ak" to excel in
drawing a smile on our faces when reading her blog in times of despair so we can all share a laugh over what some might consider misery.

http://wanna-b-a-bride.blogspot.com/

يا أخي البنات مقصفوين الرقبة دول خلاص إستقووا و افتروا

إفتروا إيه ..قول توحشوا ..البنت من دول بقى يندب في عينها رصاصة

رايحة الشغل ..جاية من النادي ..رايحة الدرس ..راجعة من السينما

لا بقوا يتثبتوا ولا يتظبطوا و كله كوم و اللي حبست الواد اللي كان بيعاكسها دي كوم ..فين بنات زمان ..ولا واحدة كانت بتفتح بقها
و قد كان ..قررنا نحن الإخوة الرجال المقهورون إننا صحيح رجالة ..بس من زمان ماوقفناش وقفة رجالة ..ضد سيطرة المرأة على كل مجريات الحياة..ضد زحف جحافل النساء و شراذم الفتيات على كل المهن و المواقع ..ضد مشيهم في الشارع ..ضد ركوبهم الميكروباصات ..ضد إعتراضهم لما حد يمد إيده كده والا كده ..ملعونييييين في كللللللل كتاااااااااب ..ما هم اللي بيجيبوه لنفسهم ..اللي ماشية لوحدها ..عشان نفسها تتعاكس..و اللي ماشية مع أبوها والا أخوها و إيش عرف الناس مين ده إن شاء الله ..و اللي راكبه عربية لوحدها ..مش عارفه إن الموضوع ده بيثير الغرائز و اللي راكبه مع واحد جنبها ..مش عارفة إن شرف البنت زي سلك الفرامل ؟..اللي لابسه قصير ..أستغفر الله العظيم ..و اللي لابسه طويل ..إلهي تولعوا بجاز ..ما احنا بنفضل نفكر يا ترى اللبس الطويل ده مخبيه تحته إيه؟ ..اللي خارجة في العيد الصغير دون أي إعتبار لإن الناس لسه خارجة من صيام ..و اللي خارجة في العيد الكبير و الناس نفسها مفتوحة ع اللحمة ..و كله كوم و اللي خارجة في عيد العمال دي كوم .. ما احنا معذورين لما نظن فيها الظنون لأن كل الناس عارفة إن عيد العمال ده هو عيد "المكن" ..ولا سابوا شغلانة إلا و اشتغلوها ..ولا سابوا دراسة إلا ودرسوها ....خايليننا في الرايحة و الجاية ..ماتكنوا في حتة و تريحونا بقى ..و تقعدوا في بيوتكم و تسيبونا ناكل